“Yoshlar bilan ishlash”: Kafedra ichki shaxmat turniri bo‘lib o‘tdi
Toshkent davlat tibbiyot universiteti Klinik farmakologiya kafedrasida talabalarning bo‘sh vaqtini mazmunli tashkil etish hamda intellektual salohiyatini oshirish maqsadida navbatdagi ma’naviy-ma’rifiy tadbir — Shaxmat turniri o‘tkazildi.Kafedra mudiri, professor A.V. Yakubov boshchiligidagi jamoa tomonidan tashkil etilgan ushbu musobaqa talabalar o‘rtasida katta qiziqish uyg‘otdi.Tadbirda kafedra professor-o‘qituvchilari, 5-kurs tyutori Mullajonov Laziz hamda 1-sonli davolash fakultetining 5-kurs talabalari ishtirok etishdi.Musobaqani kafedra professori P.S. Zufarov ochib berib, shaxmat insonni mantiqiy fikrlashga va sabr-toqatga o‘rgatishini ta’kidlab, barcha ishtirokchilarga omad tiladi.
Qizg‘in va murosasiz kechgan 4 bosqichli bahslar yakuniga ko‘ra quyidagi talabalar g‘oliblikni qo‘lga kiritishdi:
| O‘rin | Ism-sharif | Guruhi |
| 🥇 1-o‘rin | Karvonov Baxtiyor | 510-s guruhi |
| 🥈 2-o‘rin | Aliyev Asror | 502-s guruhi |
| 🥉 3-o‘rin | Quvondiqov Dilshod | 515-a guruhi |
| 🥉 3-o‘rin | Soloyjonov Javoxir | 502-b guruhi |
Klinik farmakologiya kafedra professori P.S. Zufarov g‘oliblarni esdalik sovg‘alar bilan taqdirladilar.
