ТТА нинг 19 апрел 2018 йилдаги 119-к-сонли буйруғи ва KOREA DIGITAL HOSPITAL EXPORT AGENCY таклифи асосида “Тиббиётда АКТ” лойиҳаси бўйича клиник фармакология кафедраси доценти Д.С. Акбарова ТТА делегацияси таркибида, Қозиғистон республикаси ва Қирғизистон Республикаси делегацияси билан биргаликда KOHEA нинг “Medical & ICT converget Central Asia Export Consortium” дастурида иштирок этди.
Лойиҳа доирасида KOHEA директори Тае Хюнг Ким билан учрашув бўлиб ўтди, ва “Рақамли гопиталь” ва “Соғлиқни сақлаш тизимида рақамли технологиялар” мавзусида конференция ўтказилди, конференция якунида Корея рақамли тиббий асбоблар ишлаб чиқарувчи «Radian» копманияси маркетинг ва савдо бўйича менеджери Девид Чой компания махсулотлари билан таништирди.
Лойиҳанинг иккинчи куни тиббий муассасаларни лойиҳалаш ва қуриш бўйича JUNGLIM Architecture Co., ltd компаниясининг президенти Хокюнг Че госпиталлар лойиҳалаш ва қурилишининг Корея тажрибаси билан таништирди. «Future Robot» компаниясининг менеджери Ким Бонг Кван бошчилигида робот техникаси, рақамли тиббий техника ишлаб чиқариш ва тиббий АКТ тизимига бағишланган «Future Robot» ва «R&D Proect» компанияларининг қўшма семинари бўлиб ўтди.
Корея Университетининг Анам госпиталида ўтказилган семинарда профессор Санг-Хеон Леенинг «Корея Университетининг Анам госпитали. Келажак тиббиёти» мавзусида, профессор Чанг Юнг Паркнинг «Янги дори воситаларининг клиник тадқиқотлари» мавзусидаги маърузалари тингланди, семинарда ТТА болалар ва ўсмирлар гигиенаси, овқатланиш гигиенаси кафедраси мудири Н.Ж. Эрматов «Тошкент тиббиёт академияси» ҳақидаги ахбороти билан қатнашди.
Шунингдек лойиҳа доирасида ташкилотчилар томонидан Корея Университетининг Анам госпитали онкология ва кардиоваскуляр бўлимлари, Корея Университетининг Северанс госпитали онкология, болалар онкологияси, Гепатология бўлимлари иш фаолияти, госпиталнинг ахборот тизими, беморлар билан рақамли ахборот алмашинув тизими билан яқиндан таништирилди.
Фотолавхалар:
